MEMORIA DE SUSTENTABILIDADE

A sustentabilidade forma parte do ADN do Grupo Pereira. Desde as nosas orixes, vinculadas ao mar e ás comunidades que dependen del, desenvolvemos a nosa actividade cunha visión a longo prazo baseada no respecto polos recursos naturais, o compromiso coas persoas e unha xestión responsable do negocio.

En 2026 damos un paso clave neste camiño coa publicación da nosa primeira Memoria de Sustentabilidade, un exercicio de transparencia que recolle de forma estruturada o noso desempeño ambiental, social e de gobernanza (ESG), así como os avances acadados e os retos que afrontamos como organización global.

Esta memoria reflicte unha evolución natural: dunha cultura baseada en valores a un modelo de xestión estruturado, onde a sustentabilidade se integra de maneira transversal en todas as áreas e xeografías do Grupo. Ademais, definimos a nosa folla de ruta para os vindeiros cinco anos (2026–2030), aliñada con estándares internacionais e construída a partir dunha análise rigorosa dos temas materiais máis relevantes para o noso negocio e os nosos grupos de interese.

Entre as principais conclusións, destaca a consolidación da sustentabilidade como prioridade estratéxica, especialmente pola natureza da nosa actividade e o seu impacto na contorna. A xestión responsable dos recursos mariños, a calidade e trazabilidade dos nosos produtos, o desenvolvemento do talento e o reforzo dunha gobernanza ética e transparente configúranse como piares clave do noso modelo.

Hoxe, a sustentabilidade non é só un compromiso: é a forma na que entendemos o noso presente e construímos o noso futuro.